Ulirat Ni Mariano : The Loser's Realm

Sa panandalian kong pagkawala sa aking blog at pangangalap ko ng mga kasagutan sa mga katanungan sa aking buhay, napag-alaman kong hindi patas ang mundo.

Unfair siya at maaaring hindi balanse ang lahat ng mga bagay at pangyayare sa mundo.

Mayroong mga nangyuyurak ng pagkatao ng iba, tulad ng ginagawa ko. Merong mga bidang nagtatagumpay sa huli sa kabila ng pangyuyurak ng mga tulad kong mula sa angkan nila Prince Charles.

Charles C. Chaplin. Nyeh.

Nalaman ko ding hindi timbang ang pagbibigay ng kagwapuhan sa lahat.

Merong mga kagaya ko na gwapo...

*KDDZZZAAATTTT*

Ehem, ulitin natin -- Merong mga kagaya ko na na hindi nabiyayaan ng magandang hubog ng katawan at makapal na hibla ng buhok sa ulo.

Ang tipo ko ang may angking kutis sibuyas sa yumi at kakinisan at mayroong mala-rosas na balat. At meron ding mga kagaya kong sinungaling.

Mayroong maninira sayo at gagawan ka ng mga kakaibang isyu na supot ka pa daw, wala kang assignment na nagawa, hindi ka napagdeliver sa task, natutulog sa oras ng trabaho, at utot nang utot tuwing nasa elevator. Sa mga panahong ito, wag ka nang magalit kasi totoo naman.

Mayroon ding pagkakataon na nasasakto na lamang sa isang pahiran ang tissue na natitira sa banyo. Matapos mong magpunas ay saka naman bubugso ang mga pahabol pang laman na hindi mo nailabas ng mahusay sa una mong pag-ire. Sa mga panahong ito, maiisip mo na sana nagbulsa ka ng tissue mula sa Jollibee.

Sa mga panahong iniisip mong unfair ang buhay, ang tadhana, at ang sanlibutan sa iyo, huwag kang mangamba kaibigan.

Isipin mong mayroong isang tao na naririto, binabasa mo ang kaniyang isinulat, mari-realize mo ang mga bagay sa buhay mo at masasabi mong:

"Putanginang tao to, walang kwenta! Kanino bang page to, ampangit ng kulay! Mas lalo ko lang ginustong mamatay nung makita ko ang litrato niya..."

Salamat kaibigan.